የቅ/ሲኖዶስ መደበኛ ስብሰባ አራተኛ ቀን የጠዋት ውሎ

(አንድ አድርገን ግንቦት 6 ፤ 2004ዓ.ም )፡- የቅ/ሲኖዶስ መደበኛ ስብሰባ አራተኛ ቀን(ሰኞ) የጠዋት ውሎ ባለፈው ቅዳሜ ከቀትር በኋላ በነበረው ቅዱስ ሲኖዶስ ውሎ በዜና ቤተክርስቲያን ርእሰ አንቀጽ ላይ ለመነጋገር ለዛሬ ጠዋት ቀጠሮ እንደተያዘ መዘገባችን ይታወሳል፡፡ በዚሁም መሰረት ብጹዓን ሊቃነጳጳሳት የቅዳስነታቸውን እመቢተኝነትና አምባገነንት ምክንያት ስብሰባው አድካሚ ስለሆነባቸው ስብሰባውን በሌላ ሰው ይመራ የሚለው ሃሳብ ሚዛን ስለደፋ የጨለማው ቡድን አጀንዳ ለማሰቀየሪያነት እንደተጠቀመበት በሚነገረው ዜና ቤተክርስቲያን ርዕስ አንቀጽ ላይ ቅዱስ ሲኖዶስ ሰፊ ውይይትና ክርክር ያደረገ ሲሆን ለቀትር በኋላ ስብሰባ የውሳኔ ሐሳብ የሚያቀርብ ኮሜቴ በመሰየም የጠዋቱን  ስብሰባ ተጠናቋል፡፡ ያለ ትምህርትና ሐዋሪያዊ ተልዕኮ መምሪያ እውቅና እንዲሁም ያለ ጋዜጣው ዋና አዘጋጅ ይሁንታ በጨለማው ሲኖዶስ አባላት የተዘጋጀው ርዕሰ አንቀጽ ላይ ብጹዓን ሊቃነ ጳጳሳት ለአቡነ ጳውሎስ አፍራሽ አካሄድ እንዳይቃወሙ በማሸማቀቅ የፓትሪያሪኩን አምባገነንት አሜን ብለው እንዲቀበሉ ለማድረግ ታስቦ የተዘጋጀ ነበር፡፡

 የጨለማ ቡድኑ ብጹዓን ሊቃነጳጳሳትን ለማሸማቀቅ የነበረውን ፍላጎት ባይሳካም ቅዱስ ሲኖዶስ በደራሽ አጀንዳዋች የስብሰባ ጊዜውን እንዲያባክንና የተቀረጹትን 20 አጀንዳዋች ለቀጣይ የጥቅምቱ ሲኖዶስ እንዳያሳድራቸው ተፈርቷል፡፡ ብጹዓን ሊቃነጳጳሳት የአቡነ ጳውሎስን ለህገ ቤተክርስቲያን አልገዛም ባይነት እስከ መጨረሻው ታግለው ለማስተካከልና ውሳኔ ለማሳለፍ ጥብዓትና የመንፈስ አንድነት(ልዕልና) እንደጎደላቸው ጉዳዩን በቅርበት የሚከታተሉ ወገኞች እየተናገሩ ነው፡፡የውሳኔ ሐሳቡንን የቀትር በኋላውን ቅ/ሲኖዶስ ውሎ ተከታትለን ለማሳውቅ እንሞክራለን፡፡

ቸር ወሬ ያሰማን!