እነ በጋሻው ተሀድሶ የተባሉበት 15 ምክንያቶች

‹‹ጊዜው አንድምታ የሚያስፈልገው አይደለም››

ከዚህ በታች ያሉት 15 ነጥቦች ሙሉ የድምፅ እና የምስል መረጃ ካላቸው ትምህርቶች ጥቂቶቹ ሲሆኑ ከእነዚህ የባሳ ለመናገር አንደበትን የሚይዝ ፤ ለመስማት ጆሮን የሚሰቀጥጡ ፤ የቤተ ክርስቲያናችን አስተምህሮ ያልሆኑ ፤ ከመናፍቃን አካሄድ ባልተለየ መልኩ ስህተት የሆኑ ስብከቶችን የሰበከ ሲሆን ልጁ የተጓዘበትን የምንፍቅና   የክህደት ጎዳና ለማሳያ ያህል ይህን አቅርበንላችዋል፡፡ እነዚህን የመሰሉትን ትምህርቶችን ነው አቶ በጋሻው በቤተ ክርስቲያናችን አውደ ምህረት ላይ በማን አለብኝነት በግብር ከሚመስላቸው ሰዎች ጋር ሲሰብክ የኖረው፡፡

እነዚህን ነጥቦች ላያቸው መምህር ዘመድኩ በአንድ ቃለ መጠይቅ ስለ አቶ በጋሻው የተናገረው  ትዝ ይለዋል

• ‹‹የሚያስተምረው የማያውቀውን እና ያልተማረውን ትምህርት ነው ፡፡ ›› 
• ‹‹ይህ ልጅ ተመከረም አልተመከረም ዋናው ችግር የእውቀት ችግር ነው ፡፡ የእውቀት ድህነት በምክር የሚመለስ አይደለም ›› 

1. ስላሴ አትበሉ እየሱስ በሉ
2. ስለ ድንግል ማርያም የምሰብከው ኦርቶዶክሳዊ ለመባል ፈልጌ አይደለም፡፡(ስለ ድንግል ማርያም የሰበከውን ስብከት ወደፊት እናቀርብላችዋለን፡፡)
3. ፀበል አያድንም ፤ መስቀል አያድንም ፤ አንዴ ድነሀል
4. አስተምሮታችን ለእናንተ ኢየሱስን ማስተዋወቅ ነው፡፡ ኢየሱስ ማለት ጴንጤ የሚያሰኝ ከሆነ የመጀመሪያው ጴንጤ ቅዱስ ገብርኤል ነው፡፡
5. ቦታህን አትለውጥ ራስህን ለውጥ፡፡ 
6. ተሐድሶ (መናፍቃን ) በኢትዮጵያ የለም
7. ስለ ድንግል ማርያም ፤ ስለ ስላሴ በአውደ ምህረት በስብከት አይጠሩም
8. ስለ ቅዱሳን አይዘመርም
9. ግፍዖሙ የሚለው ፀሎት ከአዲስ ኪዳን አስተምሮ ጋር አይስማማም
10. ኢየሱስ ከዲያቢሎስ ጋር በቀራንዮ ቁማር ተጫወተ
11. ቤተክርስትያን ባዶ ናት
12. ቤተክርስትያን አሮጊቷ ሳራ ናት እገሌ እገሌን ወለደች
13. አውደ ምህረት ላይ የሳቅ ፕሮግራም ማዘጋጀት
14. ዲዮስቆሮስ የኬልቄዶንን ጉባኤ መቀበል ነበረበት
15. ……….(ለመስማት የሚከብድ ስለሆነ -----)

በድምጽ እና በምስል የቀሩ መረጃዎችን  ጥቂቱን ያድምጡ፡፡ ከማን የተማረው እንደሆነ እግዚአብሔር ይወቀው ፡፡ እውን ይህ የቤተክርስትያን አስተምህሮት ነውን?

‹‹በዚህ የተቀናጀ ስልት መንፈሳዊ ጦርነት ቢቀጥል በእግዚአብሔር በውስጥ የተሰለፈውን ሰራዊት እያጠቃ ወደ ውጭ ሲገሰግስ ፤ በውጭ ያለውም ከበባውን አጠናክሮ ወደ ውስጥ ሲገፋ በወሰነው ቀን የውስጡ እና የውጭው ሰራዊት ሲገናኙ በውስጧ የመሸገው ጠላት መሸነፉን በሚመለከት በአንድነት የድል ዝማሬ ሊያቀርቡ ይችላሉ፡፡››

ፍኖተ ብርሀን(የተሀድሶ ዓመታዊ መፅሄት) መጋቢት 2002 ገፅ 16

‹‹The Objective is not to set up a new church as such but to introduce reform within the church››

‹‹ዓላማው አዲስ ቤተክርስትያን መመስረት አይደለም፡፡ (ኦርቶዶክስን) መለወጥ (ፕሮቴስታንት) ማድረግ እንጂ

(The Horn of Africa, Challenge and Opportunity P.6)

‹‹ተሐድሶ ማለት ፕሮቴስታንት ማለት ነው፡፡ ከፕሮቴስታንት ጋር ምንም ልዩነት የላቸውም ከኦርቶዶክስ ተዋህዶ ጋር ደግሞ ምንም አንድነት የላቸውም፡፡ ››

 ዲ/ን ያረጋል

‹‹እግዚአብሔር ለሁላችን ማስተዋሉን ይስጠን››