አቡነ ጳውሎስ አውሮፕላን ሊገዛላቸው ነው

• በአባ ጳውሎስ 20ኛ ዓመት በዓለ ሲመት 5 ሚሊዮን ለማትረፍ ታቅዶል፡፡
• የአዲስ አበባ እና ጠንካራ ሀገረ ስብከቶች ጠቀም ያለ ገንዘብ ይጠበቅባቸዋል ከተሳክ አውሮፕላን ከተገዛ አባ ጳውሎስ በአፍሪካ የመጀመሪያው ይሆናሉ የጳጳሳት ሹመት ኮሚቴ ተቋቁሟል
• በ18ኛ ሲመት ዓመት ላይ ሰርፕራይዝ ለማድረግ ሀውልት ብለው ጣኦት አቆሙላቸው 
• በ20ኛው ሲመት ላይ አውሮፕላን ለመግዛት እቅድ ይዘዋል 
• በ22ኛው ሲመት ላይ ቅዱስ ብለው ፅላት ሊያስቀርፁላቸው ይችላሉ 
• በ24ኛው ሲመት ላይ……….?????????

ብፁዕ ወቅዱስ አቡነ ጳውሎስ የኢትዮጵያ ኦርቶዶክስ ተዋህዶ 5ኛው ፓትርያርክ ሲሆኑ በ2004 ዓ.ም. ዘመነ ፕትርክናቸው 20 ዓመት ይሆነዋል በመሆኑም 20ኛው የበዓለ ሲመት በደመቀ ሁኔታ እንዲከበር እና ከተሰበሰበው ገንዘብ ላይ 5000000 (አምሰት ሚሊዮን) ብር ለነወ/ሮ እጅጋየሁ ለግላቸው ለማትረፍ ገንዘቡን ለመሰብሰብ ምክንያቱ የአውሮፕላን ግዢው እንዲሆን ከየአጥቢያው እና አቅም ካላቸው ሀገረ ስብከቶች ገንዘብ በማሰባሰብ በዓሉን ልዩ ለማድረግ እንቅስቃሴ ተጀምሯል፡፡ በሚሰበሰበውም ገንዘብ ለፓትርያሪኩ ልዩ አውሮፕላን ለመግዛትም ታቅዷል፡፡ 

 ካሁን በፊት የአዋሳ ምዕመናን ባዘጋጁት “አንድ አድርገን” በሚለው ቪሲዲ ላይ ዲ/ን ያሬድ አደመ የአውሮፕላኑ ግዢ ዋጋ ማቅረቢያ (proforma) እንደተሰበሰበ መናገሩ ይታወቃል፡፡ የበዓል አከባበር ኮሚቴው በዋናነት በወ/ሮ እጅጋየሁ በየነ የሚመራ ቢሆንም የኮሚቴው አፍአዊ ሰብሳቢዎች ሊቃነ ጳጳሳት እንዲሆኑ በመታሰቡ በጊዜአዊነት ሰብሳቢው ብፁዕ አቡነ ሳዊሮስ እንዲሆኑ ተደርጓል፡፡ በሊቀ ካህናት ጌታቸው ዶኒ እና በወ/ሮ እጅጋየሁ በየነ ዋና አስተባባሪነት በ18ኛው በዓለ ሲመት ፓትርያሪኩን “ሰርፕራይዝ” ለማድረግ ሐውልት እንዳሰሩላቸውና በዓለ ሲመቱን በልዩ ሁኔታ እንዲከበር ጥረት እንዳደረጉ የሚታወቅ ሲሆንም እራሷ ወ/ሮ እጅጋየሁ ካሁን በፊት ከቁም ነገር መጽሔት ጋር ባደረገችው ቃለ ምልልስ ገልጻዋለች፡፡ 

ቅዱስ ሲኖዶስ ግን ሐውልት ማቆም እንኳንስ በቁም እያሉ ቢያርፉም ከቀኖና ቤተክርስቲያን ውጪ በመሆኑ እንዲፈርስ ወስኗል፡፡ ወ/ሮ እጅጋየሁ ግን የ20 ኛውን ዓመት በዓለ ሲመት በድጋሚ የበለጠ ልዩ እና ታሪካዊ ለማድረግ ብርቱ ጥረት እያደረገች እንደ ሆነ የቤተክህነቱ ምንጮች የገለጹ ሲሆን የአውሮፕላኑ ግዢ ከተሳካና ከተፈጸመ ፓትርያርኩ የግል አውሮፕላን ያላቸው ብቸኛው አፍሪካዊ የሃይማኖት መሪ ይሆናሉ፡፡

ይህ በእንዲህ እንዳለ በመጪው ጥቅምት ወር 2004ዓ.ም ለሚካሄደው የቅዱስ ሲኖዶስ ስብሰባ በርካታ ኤጲስ ቆጶሳትን ለመሾም ልዩ ኮሚቴ ተቋቁሟል፡፡ በቤተ ክህነቱ ሰዎች “ተለዋጩ ቋሚ ሲኖዶስ” የሚል ስያሜ ያገኘው እነ ብፁዕ ወቅዱስ አቡነ ጳውሎስ፣ ብፁዕ አቡነ ገሪማ፣ መጋቤ ምሥጢር ወልደ ሩፋኤል ፈታሒ፣ ንቡረ ዕድ ኤሊያስ አብርሓ እና የኢ/ኦ/ተ/ቤተ ክርስቲያን የሕዝብ ግንኙነት መምሪያ ሓላፊ እስክንድር ገብረ ክርስቶስ የሚገኙበት ኮሚቴ ተቋቁሟል፡፡ ይህ ኮሚቴ ነሐሴ 15 ቀን 2003 ዓ.ም ባደረገው ስብሰባ በመጨው የጥቅምት ወር በሚደረገው ሲኖዶስ ስብሰባ ኤጲስ ቆጶሳት ሹመት እንዲካሄድ እና ከአንድ ዓመት በኋላ ሊቃነ ጳጳሳት ለማድረግም ታቅዷል፡፡

posted on August 31, 2011 by ገብር ኄር

በሸዊት ገብረ ኪዳንshewitgbrkdn95@gmail.com