ጉድ…ጉድ..ጉድ...

በዚህ በስምንተኛው ሺህ አይን የማያየው ጆሮም የማይሰማው ነገር የለም፡፡

‹‹ቅድስት ድንግል ማርያም እኔ ነኝ  እየሱስ ክርስቶስን የምወልደው እኔ ነኝ ፡፡›› ብላ የተነሳች ሴት ተፈጥራለች>>

ድንግል ማርያም እኔ ነኝ

በዚህችው በኢትዮጵያ ኦርቶዶክስ ተዋህዶ ቤተ ክርስቲያን ውስጥ የዋሓንን አማኝ በማሳት በማታለል የቤተ ክርስቲያንን ዶግማ እና ስርአት ለማጥፋት የሚጥሩ ብዙ ተኩላዎች እንዳሉ የማይካድ እውነታ ነው፡፡ ይህቺ ቤተ ክርስቲያን ከውጪ ያለችበት ከፍተኛ ፈተና ከፊት ተጋርጦ ሳለ እዚሁ በየገዳማቱ በየአድባራቱ ያሉትን የዋሀንን በፈለጉት ሀሳብ በመስበክ ሕዝቡን እያሳቱ እንዳለ ይህ እውነተኛ ምስክር ነው፡፡

አካሄዳቸው ቀላል የሚባል አይደለም አንድ ሰው ተነስቶ ስለ እሷ ሲመሰክር ሌላው ስለ እመቤታችን ፍቅር ብሎ ቁጭ ብሎ ያለቅሳል፡፡ ሰውን ለማሳመን የማይፈነቅሉት ድንጋይ የማይወጡት ዳገት አለመኖሩ ደግሞ በጣም ይገርማል ፡፡ የማያቁት ገዳም የማይጠሩት በረሀ አለመኖሩን ሲያውቁት ደሞ ጉድ ይላሉ:: በጣም ብዙ ተከታዮችን ሲያዩ ደግሞ ይደነግጣሉ ፡፡ የደጋፊዎቹ ስብስብ ደሞ ህፃን ፤ ወጣት አሮጊቶች መሆኑን ሲያስተውሉ ‹‹ እረ ጊዜው ከፍቷል›› እግዚኦ…. ይላሉ፡፡ ይህ ሁሉ የሚደረገው በቤተክርስትያን ፤ በአውደ ምህረቷ ላይ መሆኑን ፤ በቅፅሯ ውስጥ መሆኑን ሲያውቁ የእግዚሐብሔር ትዕግስቱ ይገርሞታል ፡፡

ከቀናት በፊት አንዱ የእውቀት ድህነት ያለበት ሰው ለሰራው ስህተት መሸፈኛ ፤ ማስረሻ መልስ ይሆነኛል ብሎ ድንግል ማርያም ስላሴን ወልዳለችን? የሚል የቤተክርስትያን አስተምህሮት ያልሆነ ጥያቄ በመጠየቅ ምእመናኑን ሲያደናግር ፤ ‹‹ከድጡ ወደ ማጡ›› ሲገባ አሁን ደሞ ድንግል ማርያም ማለት እኔ ነኝ ብላ ተነስታልናለች ::

ይች ሴት እና ተከታዮቿ ይህ እኩይ ምግባራቸውን ከጀመሩ ቆይተዋል በዚህ ዓመት የፃድቁ አባታችን የአቡነ ሐብተማርያም ዓመታዊ በዓል ላይ በመገኝት የቤተክርስትያን አውደ ምህረት ላይ ወጥታ ካላስተማረች ብለው ደጋፊዎቿ በማለታቸው ምዕመኑ ሁለት ቦታ ከፍለውት ሲያወዛግቡት የነበረ ሲሆን በመጨረሻ ‹‹ከእዚህ አውደ ምህረት ላይ ውረጂ›› የሚል መልዕክት ቢተላለፍላት እምቢ በማለቷ ይህንን ድራማ በእግዚሐብሔር አውደ ምህረት ላይ ሲመለከቱ የነበሩ ወጣቶች ስሜታቸውን መቆጣጠር አቅቷቸው በጉልበት አውርደው ሊደበድቧት ሲነሱባት ከደጋፊዎቿ ጋር ተሰብስበው አዳራሽ የገቡ ሲሆን በተነሳው ሁካታ ‹‹ካልገደልናት ሞተን እንገኛለን›› የሚለው ሰው በመብዛቱ ወዲያው ግብር አበሮቿ ለፖሊስ ደውለው ፖሊስ በጣም በአጭር ደቂቃ ውስጥ በቦታው ላይ በመገኝት ሁኔታውን ሊያረጋጋ ችሏል፡፡

‹‹ና ና ፋኑኤል ና ና›› የሚለውን የመልአኩን መዝሙር ለአባ ፋኑኤል ሀዋሳ ቅዱስ ገርኤል ቤተክርስትያን እነ ትዝታው ሳሙኤል ፤ ያሬድ አደመ እና መሰሎቻቸው በአውደ ምህረት ላይ እንደዘመሩላቸው ለእሷም ደጋፊዎቿ በጊዜው ‹‹ነይ ነይ እምዬ ማርያም ነይ ነይ ቤዛዊት አለም ›› እና ሌሎች ስለ እመቤታችን የተዘመረውን መዝሙር ሲዘምሩላት ነበር፡፡ በ7/12/2003 የወጣ አዲስ አድማስ ጋዜጣ የዚችን ሴትዮ ተግባር ፖሊስ እየመረመረ እንደሚገኝ አስነብቧል ፡፡

• ማርያም በዚህ ዘመን ጌታን ለመውለድ ተገለጠች ቢባሉ ምን ይላሉ?
• እንደ አይሁድ ገና ጌታ ይወለዳል ቢባሉስ? 
• መለኮት ግንቦት 1/1999 ተፀንሶአል ይህንንም በ3 ቀን ሱባኤ ጠይቁ ቢባሉስ?

ስለ እሷ ደጋፊዎቿ የሚመሰክሩላት

• እንደ እመቤታችን መለኮትን ተሸክማለች 3 ዓመት መለኮትን ተሸክማለች
• ይች እመቤታችን ናት አውቃታለሁ፡፡ 
  ቁጭ ብላችሁ ስሙ 
  ስላሴ በሰይፍ ነው የሚቆራርጣችሁ
• የታመመ አድናለች ፤ የወደቀ አንስታለች
• እንደ እየሱስ ክርስቶስ ፤ ተገርፋለች ፤ ተሰቅላለች፤ሙታለች
• እንደ መላዕክት ትበራለች
• ለሊቱን ሙሉ እያለቀሰች የአዳምን ልጅ ማርልኝ እያለች ትፀልያለች
• በስዕሏ ሱባኤ ግቡና ጠይቁ ስላሴ ይገልፅላችዋል፡፡
• እንደ እየሱስ ክርስቶስ ስትሰቀል አይቻታለሁ ፤ ስትገረፍ አይቻታለሁ 
• እመቤታችን በስጋ ተገልጣ ነው የመጣችሁ፡፡
• ስላሴ ያዘጋጀውን ዳቤ ተመልከቱ

አረ ምኑ ቅጡ ሁሉንም ያድምጡት

Part I

Part II

Part III

ለቪዲዮ ምስል ጥራት ይቅርታ እንጠይቃለን

‹‹ሐሰት አንናገርም፤ እውነትንም አንደብቅም››

‹‹እግዚሐብሔር ቤተክርስትያንን ይጠብቅ ››