የአሁኑ ጊዜ መዝሙሮች ፤ የፕሮቴስታንት ቅጅዎች

..

እናስተውል.........

በፊት በፊት የመዝሙር ግጥሞች ሲፃፉ እግዚአብሔር እንዲመራቸው በፆምና በፀሎት እግዚአብሔርን መጠየቅ የነበረ ሲሆን አሁን አሁን የኦርቶዶክስ ተዋህዶ ተብሎ የሚወጣው መዝሙር ግጥም ከመናፍቃን የመዝሙር ካሴት ግጥም ኮፒ እየተደረገ መቅረብ ከጀመረ ሰንበትበት ብሏል፡፡ በተጨማሪም ሆን ተብሎ ለቸብቸቦ የሰውን ስሜት እንዲገዛ ተደርጎ ከመፃፉም ባሻገር አንዳች ነገር ለመዝሙር ሰሚው ወንጌልን የማስተላለፍ ሚናው በሙሉ ጠፍቷል ፡፡ ለምሳሌ ለማሳያ ያህለል ዘርፌ ከበደ አወጣሁት ካለችው መዝሙር ሁለት ያህል ግጥሞች አቶ በጋሻው ደሳለኝ ፃፍኩ ያለው ሲሆን በጊዜው እነዚህ ግጥሞች ከመናፍቃኑ ካሴት ምንም ለውጥ ሳይኖራቸው የተገለበጡ በመሆኑ የግጥሙ ባለቤት ግጥሜ ተሰርቆብኛል ሲል አቶ በጋሻው ደሳለኝን ፍርድ ቤት መክሰሱ የሚታወስ ቢሆንም የፍርድ ቤት ሂደቱ በአጭር እንደቀረ ያለፈ ትውስታችን ነው፡፡

አቶ በጋሻው ደሳለኝ የመናፍቃንን ካሴት እየቃረመ ለእኛ ማቅረቡን የለመደው የቀን ተቀን ስራው መሆኑን ለማወቅ ‹‹የመስቀሉ ስር ቁማርተኞችን›› የሚለውን መፅሀፍ ለመፃፍ የፓስተር መለሰ ወጉን የስብከት ካሴት ቁጥር 107 ገልብጦ የተጠቀመ ሲሆን ይህን ስራውን በዘርፌ ካሴት ላይም ደግሞት ለማየት በቅተናል፡፡ ለማስረጃ ያህል የሚቀጥለውን ካሴት ስቲከር ይመልከቱ 

አሁን አሁን የምሰማቸው የኦርቶዶክስ መዝሙሮች ከመናፍቃኑ የሚለዩበትን ነገር አይታይባቸውም ፤ የመናፍቃኑ መዝሙሮች የሚያዘልሉ ተደርገው የሚሰሩት ሆን ተብሎ ነው፡፡ እኛን ደግሞ በአንድ ጊዜ ከያሬዳዊ ዜማዎቻችን አውጥተው መዝሙሮቻችንን ወደ እነርሱ ጎራ ለመቀላቀል በአንድ ጊዜ ስለማይቻል በሂደት እያለማመዱን ይገኛሉ ፤  ህገወጥ ተብለው በሲኖዶስ የታገዱት ዘማርያን እና ሰባኪዎች ፤ እጅ ‹‹ወደ ላይ ፤ ወደ ላይ›› እያሉ ህዝቡን ሲያለማምዱት ነበር ፤ እንደ መናፍቃን አውደ ምህረቱ ላይ ሲዘሉም ለማየት ችለን ነበር ፡፡ ዘርፌ ከበደ ካሴት ላይ አንድ ግጥም አቶ በጋሻው ደሳለኝ ከሙሉ ወንጌል ዘማሪ ላይ ምንም ሳይቀይር ሌባ በሚያስብል መልኩ ግጥሙን ገልብጦ የሰጣት ሲሆን ፤ የግጥሙ ደራሲ በጊዜው በዚህኛው እና በሌላ አንድ ተጨማሪ የግጥም ስርቆሽ በፍትሀ-ብሔር ህግ አቶ በጋሻው ደሰለኝን ፍርድ ቤት በአዕምሮያዊ ስርቆት ከሶት የፍርድ ቤት መጥሪያ በእጁ ደርሶት ነበር ፤ ከዚህ በኃላ ግን አቶ በጋሻው ከፓስተሮቻቸው ጋር ያለው መስተጋብር ጥሩ ስለሆነ ፤ ለኦርቶዶክስ ኢየሱስን ሰባኪ ወንጌል አድርገው ስለሚመለከቱት ፤ የአላማ አንድነትም ስላላቸው ፤ በጊዜው የፍርድ ቤቱን ፋይል ከከሳሽ ጋር በመነጋገር ወደ መዝገብ ቤት ሊመልሱት ችለዋል፡፡ በምን አይነት ሁኔታ የፍርድ ቤቱ ፋይል እንደተዘጋ ግን የታወቀ ነገር የለም፡፡ ይህን ግጥሙን ከእኛ ግጥም እና ዜማ ጋር አቆራኝተን ወደፊት እናቀርብላችዋለን፡፡

አቶ በጋሻው ደሳለኝ ይህን ተግባር የጀመረው ከመንፈሳዊ ኮሌጅ ከመባረሩ በፊት ነበር ፤ በዚያ ጊዜ ከእጁ ላይ የማትጠፋ አንዲት ወክማን ነበረችው ፤ ይችን ወክማን አዘውትሮ ይዟት ለተመለከተ አንድ ወዳጄ ፤ በጋሻው የምትሰማውን እኔ ላደምጥ እችላለሁ ? ብሎ ቢጠይቀው መልሱ አይሆንም ነበር ፤ እንዲህ ብሎ ሲመልስለት ይባስ የሚያዳምጠውን ነገር ለማዳመጥ ጉጉት አደረበት ፤ አንድ ጊዜ በአጋጣሚ ሻይ ቡና እያሉ ሳለ ይችን ወክማን እረስቷት ተንስቶ ኖሮ ፤ ውስጥ ያለውን ካሴት ከፍቶ ሲሰማ ልጁ ጆሮውን ማመን ነው ያቃተው ፤ ለስለስ ያለ የመናፍቃኑን መዝሙር ኖሮ ውስጥ ያለው በጣም ደነገጠ ፤ ከደቂቃዎች በኋላ መርሳቱን አስታውሶ  በጋሻው ሲመለስ ቦታ ላይ አስቀምጠውለት ምንም እነዳልተፈጠረ ዝም ቢሉት አሱም ወክማኑን ብድግ አድርጓት ሊሄድ ችሏል ፤ ለካ ለዘመናት ይህን ያደምጥ ኖሯል ፤ እንዴት አንድ የኦርቶዶክስ መንፈሳዊ ኮሌጅ ተማሪ ይህን ያደምጣል? ብሎ ለራሱ ጥያቄ ቢጠይቅ ጊዜው ስላልነበረ መልስ ሊያገኝለት አልቻለም ነበር ፤ አላማቸው ‹‹ሐይማኖት አትለውጥ ራህን ለውጥ›› እንደሆነ ለማወቅ ጊዜ ወስዶብ ነበር፡፡ ይህ ድርሰት ወይም የሰውን ስም የማጥፋት ወሬ አይደለም ፤ የሆነ እና የተደረገ የአይን እማኝ ምስክር ነው፡፡

እናውቃለን አብረውን በሺህ የሚቆጠሩ የኛ ያልሆኑ ነገር ግን ከእኛ ጋር ያሉ ሰዎች እንዳሉ ፡፡ እነዚህ ሰዎች የቤታችንን የላይኛውን ወለል ላይ በተመቻቸላቸው መንገድ ወንበሩ ላይ ፊጢጥ ብለው እንደተቀመጡ እናውቃለን ፤ እናውቃለን በሰበካ ጉባኤ ፤በሰንበት ትምህርት ቤት አባል ፤ ለሆዳቸው ያደሩ የኛ ያልሆኑ ሰዎች አብረውን እንዳሉ ፤ እናውቃለን የመዝሙር ግጥም ብለው ከሌሎች እኛን ከማይመስሉት ገልብጠው እንደሚያመጡልን ፤ እናውቃለን ‹‹ድምፃቸው ተዋህዶ ፤ ውስጣቸው ተሀድሶ›› የሆኑ ሰዎች እንደከበቡን ፤ እናውቃለን የጠበቀ በቀላሉ የማይደረስበት ትስስር ከመናፍቃን ፓስተሮች ጋር እንዳላቸው ፤ እናውቃለን የሌላቸውን ማዕረግ በማናቃቸው ሰዎች ስም ፤ ቤተክርስትያን ባልሰጠቻቸው ማዕረግ ተጠቅመው ህዝበ ክርስትያንን ለማወናበድ መፅሀፍ እየፃፉ እንዳሉ ፤ እናውቃለን ከቤተክህነት ከምን አይነት አባቶች ጋር የጠበቀ ‹‹ልከክልህ እከክልኝ›› አይነት ግንኙነት እንዳለቸው ፤ ይህን ሁሉ ግን አውቀን ዝም አንልም ሰዎችም እንዲያውቁ ከተጨባጭ መረጃ ጋር እናቀርባለን፡፡

እኛን የአቶ በጋሻው ጠላቶች አድርገው የሚያዩን ብዙዎች ናቸው ፤ ማንም ለእኛ ጠላታችን አይደለም ፤ ነገር ግን የቤተክርስትያናችን ስም፤ ክብሯን በሚያዋርድ መንገድ የሄደ ፤ ስርዓተ ቤተክርስትያንን የማያከብረው ሰውን ስራውን ገልጠን ከማረጃ ጋር ለሰዎች እናደርሳለን ፤ ሰው ያቀረብነውን አይቶ ራሱ ይፍረድ እንላለን፡፡ ለእነ ዘርፌ ከበደ ፤ ሃብታሙ ሽብሩ ፤ ለእነ ትዝታው ሳሙኤል እና እሱን ለሚመስሉት ሰዎች አቶ በጋሻው ብዙ ግጥም የሰጠ ሲሆን እነርሱም በጋሻው የፃፈው መስሏቸው ዘምረው ፤ ካሴቶቻቸው ብዙ ኦርዶክሳውያን ቤት ይገኛል፡፡ የሚቀጥለውን የመዝሙር ግጥም ይሄን ግጥም ለምን ከፕሮቴስታንቶች ላይ ወሰድክ ? ብላችሁ ብትጠይቁት ፡፡ ደፋሩ በጋሻው ‹‹መንፈስ ቅዱስ ገልፆልኝ ነው›› እንጂ ኮፒ አድርጌ አይደለም እንደሚላችሁ እርግጠኛ ነኝ ፡፡ 

የምናወጣው መረጃ ያልጣማቸው የቤተክርስትያናችን ጠላቶች በተለያዩ የበሬ ወለደ ብሎጋቸው ላይ ትልቅ አርዕስት ሰጥተው ‹‹አንድ አድርገን›› የማህበረ ቅዱሳን ልሳን ነው ፤ ሌላኛው ‹‹የደጀ ሰላም›› እስትንፋስ ነው ብለው ሲፅፉ ተመልክተናል፡፡ እኛ ግን ‹‹አንድ አድርገን››ኖች እናንተ እንደምታስቡት አይደለንም ፤ እኛ ስለቤተክርስትያን የሚገደን ጥቂት ሰዎች ነን ፡፡ ‹‹ማህበረ ቅዱሳን› ግን በሺህ የሚቆጠር አባላት ያለው ጠንካራ ማህበር ነው ፡፡ ሁለትና ሶስት ሰዎችን ከግዙፍ አካል ጋር ማመሳሰል ተገቢ አይደለም ፤ አላማችን የሆነውን ፤ የተደረገውን ፤የሚደረገውን ፤ ሊደረግ የታሰበውን ኢ-ኦርቶዶክሳዊ ነገሮችን ለሰዎች ማድረስ ነው፡፡  ስለዚህ መሳደብም ከፈለጋችሁ እኛኑ ስደቡን፤ ማመስገን ከፈለጋችሁም እኛኑ አመስግኑን ፡፡ እንጂ እጁ የሌለበትን ‹‹ማህበረ ቅዱሳንን›› እና የደጀ-ሰላም ዌብ-ሳይት ጋር አንድ ላይ ጨፍልቃችሁ አትናገሩ፡፡ እኛ እኛ ነን ፡፡

በዚህ መረጃ የምትናደዱ ካላችሁ ፤ ገና የምትናደዱበት ጊዜ አልደረሰምና ቀስ ይበሉ ብለን እንመክሮታለን ፤ የፃፋቸው ፤ ያፃፋቸው ደብዳቤዎችን ጊዜው ሲደርስ ስለምንዘረግፍልዎ ፤ የልጁንም ማንነት ስለምንነግርዎ ረጋ ይበሉ ፤ ጊዜው የመረጃ ነው ፤ ስራቸውን ከመናገር ወደ ኋላ አንልም ፤ ሁሉም ነገር በአንድ ጊዜ ቢወጣ መልካ አይደለም ብለን እናስባለን ፤ በጊዜ ሂደት በጋሻውን ፤ትዝታውን ፤ምርትነሽን ፤የዘርፌን ካሴቶች ፤ ሀብታሙ ሽብሩን ከነስራዎቻቸው ከበቂ መረጃ ጋር እናቀርብሎታለን፡፡ ሰዎች ስህተታቸውን አምነው ቢመለሱ ደስተኞች ነን ፤ ልባቸውን ካደነደኑ ግን ማንነታቸውንና ስራቸውን ሚዛን ላይ እናቀርብሎታለን፡፡ እርስዎ አይተው ይፈርዳሉ

ይህን ወሬ ሌላ ጊዜ እንነግሮታለን

አቶ በጋሻው ደሳለኝ ለሰሜን አሜሪካ የስብከተወንጌል ሃላፊ ተደርጎ በአቡነ ጳውሎስ እና በግብር አባቱ አቡነ ፋኑኤል ታጭቶ ነበር፡፡ ለምን አቡነ ፋኑኤል ሲሄዱ አርሱ ለምን የቀረ ይመስሎታል ? አሜሪካ አቶ በጋሻውን የሚያክል ብዙ ደጋፊ ያለው ሰውን ቪዛ አልሰጥ ብላው ይሆን ? የእነርሱ የተስፋይቱ ምድር(አሜሪካ) ተቀባይ አይኖረው ይሆን? ምክንያቱን በቅርብ ቀናት ውስጥ እንነግሮታለን ይጠብቁን፡፡

በዚህው ከቀጠልን ነገ ያሬዳዊ መዝሙር ላለመስማስ ረዥም ጊዜ የሚወስድብን አይሆንም፡፡ ግጥሙን ፤ ዜማውን ሁለቱን መዝሙሮች አድምጠው  ፍርዱን ለመስጠት ለእርስዎ ትተናል፡፡

ያስተውሉ የፕሮቴስታንቶቹ መዝሙር ከእኛ በዓመታት ቀድሞ የወጣ ነው

የፕሮቴስታት

ካልባረከኝ አለቅህም ካልባረከኝ አለቅህም

 አምላኬ ነህ ለዘላለም
ጌታዬ ነህ ለዘላለም
ለብቻዬ ልኖር ፈቃድህ ከሆነ

ሌላው አይገደኝም ህይወቴ ከዳነ

ሲሆን እስከ ንጋት ልታገልህና
ስደደኝ ጌታዬ ሆይ ሕይወቴን ክባርና

በመንበርከክ ብዛት በጸሎት ትግል
ፈቃድህ ከሆነ ጉልበቴ ይዛል
እያለቀስኩ ሁሉ እከተልሀለሁ
እጅህን ዘርጋብኝ በርከት እሻለሁ

ሊነጋ ሲጀምር ሰማዩም ሲቀላ
ወዴት እሔዳለሁ ነፍሴ እንዲህ ዝላ
ሕይወቴን ብቻ ባርክ ሌላ አልመኝም
ስም እንደው ቀሪ ነው ስም አያድነኝም
እንደ ያዕቆብ ዛሬ ጩ¤ቴን ስማና
ስደደኝ ጌታሆይ ህይወቴን ባርካና
ፈቃድ ከሆነ ስሜንም ለውጠው
ሰው እንዳለው ሳይሆን አንተ እንደወደድከው

የኦርቶዶክስ
ካልባረከኝ አለቅህም ካልባረከኝ አለቅህም 

አምላኬ ነህ ለዘላለም
ጌታዬ ነህ ለዘላለም
ሊነጋ ሲጀምር ሰማዮ ሲቀላ
ወዴት እሔዳለው ነፍሴ እንዲህ ዝላ
እያለቀስሁ ሁሉ እከተልሀለሁ
እጅህን ዘርጋልኝ በረከት እሻለሁ

ለብቻዬ ልኖር ፈቃድህ ከሆነ
ሌላውን አልሻም ሕይወቴ ከዳነ

ሲሆን እስከ ንጋት ልታገልህና
ስደደኝ ጌታዬ ሕይወቴን ባርክና

አምላኬ /2/ታምሜ ስላደርኩኝ ሞልቶኝ በረከትህ
አየሁ ጌታዬ ዛሬስ ፊትለፊትህ

ድምፄን አሰምቼ አልኩኝ ጵንኤል

ስሜም ተለወጠ ተባለ እስራኤል/2/
የሞቷን ከተማ ሴኬምን ትችአለው

ጌታ እንደቃልህ ቤቴል ወጥቼአለሁ

ሁሉን ስለምትወድ ስልምተራራዓለምን አስረሳኝ ልኑር ካንተ ጋር/2/

እኛም ይህን ሰው አቶ በጋሻውን ለዚህ ነው እየተቃወምነው ያለነው