ነገሩ ወዲህ ነው

‹‹ስለ ጽዮን ዝም አልልም፥ ስለ ኢየሩሳሌምም ጸጥ አልልም፥ ጽድቅዋ እንደ ጸዳል መዳንዋም እንደሚበራ ፋና እስኪወጣ ድረስ። ›› ትንቢተ ኢሳይያስ 62፥1

ስለ አክሱም ፅዮን የESAT ዘገባ.. 

በዚህ ዘመን የሰሚን ጆሮ ጭው የሚያደርጉ ብዙ ክስተቶች  እየተከሰቱ ነው። በተለይ በቅድስት ቤተክርስቲያናችን ዙሪያ ፤ ይልቁንም ባለፉት ፳ ዓመታት በብፁዕ ወቅዱስ አቡነ ጳውሎስ ዘመነ ፕትርክና የተለያዩ አስደንጋጭ ክስተቶች ተከስተዋል፣ የብዙ ኦርቶዶክሳውያንን አንገት አስደፍቷል፣  ለምን  በፓትሪያሪክ ጳውሎስ ዘመን በቤተክርስቲያን ላይ ይህ ሁሉ ፈተና በዛባት? ፈተናውስ ከየት መጣ? እንደሚታወቀው በፓትሪያሪክ ጳውሎስ ዘመን ብዙ ክፍተቶች፣ ግድፈቶች፣ ቀኖና ጥሰቶች፣  አፈናዎች፣ ስም ማጥፋቶች፣ እንዲሁም ብዙ መጠነ ሰፊ ዘረፋዎችና ሙስናዎች ተፈጽመዋል ፡፡ እነዚህ ሁሉ ግፎች እና በደሎች ሲፈጽሙ ከጥቂት የቤተክርስቲያን ተቆርቋሪ ወይም የቅዱስ ሲኖዶስ አባላት ውጪ የተቃውሞ ድምጽ ያሰማ የለም፡፡ በዙሪያቸው የከበበቧቸው ሰዎች "ይደልዎ" ከማለት በስተቀር ምንም ዓይነት ተቃውሞ አላቀረቡም ፤

በዚህ ዓመት የተለያዩ ሚዲያዎችን የተለያዩ ዜናዎችን ተመልክተናል ፤ ብዙ ግር የሚያሰኙ ነገሮችን ለማየት ችለናል ፤ እንዴት ሊሆን ይችላል ? በማለት ብዙ ጥያቄዎችን ፈጥሮብናል፤ የተወራው የሚወራ ሁሉ እውነት ነው ብለን ባንቀበልም ፤ ሁሉም ነገር ደግሞ ውሸት ነው የሚል እምነት የለንም ፤ በአሁኑ ሰዓት ኢትዮጵያ ውስጥ ከሚገኝው የኢትዮጵያ ኦርቶዶክስ ቤተክርስትያን ቅርሶች አውሮጳ ውስጥ የሚገኙት እንደሚበልጡ ምን ያህላችን እናውቃለን? ከእጃችን በስጦታም ይሁን በዘረፋ የወጡትን ማስመለስ ባንችል እንኳን በእጃችን ላይ የሚገኙትን መጠበቅ ታሪካዊ ግዴታችን መሆኑን መዘንጋት የለብንም ፤ እንደ እድልም አድርጎት ከአባቶቻችን ሲገላበጥ የመጣው የቤተክርስያኒቱ ቅርሶች ለሚቀጥለው ትውልድ ማስረከብ መቻል ግድ ይለናል፤ በአሁኑ ሰዓት በታቦተ ፅዮን ዙሪያ መረጃዎች እየተንሸራሸሩ ይገኛሉ ፤ ከሞላ ጎደል ኢሳት የዘገበውን እኛም እናውቀዋለን ፤ እኛ የምናውቀው ግን ኢሳት(ESAT) እንዳወራው አይደለም:: መረጃዎቻቸውን ሁላ በዝርዝር ለማቅረብ ሞክረዋል ነገር ግን ያቀረቡት ሁሉ አሳማኝነት ይጎድለዋል የሚል ሀሳብ አለኝ:: 


አስቲ አስቡት በሉሲ ጀምሮ ወደ ታቦተ ፅዮን ዘገባ መሸጋገር ምን ይሉታል ? ሉሲና ታቦተ ፅዮን ለእኛ ምንና ምን ናቸው? ፤ ሉሲ (ድንቅነሽ) ምራብያውያኑ ራሳቸው በሰሩት መሳሪያ ፤ ምርምር አድርገው ሉሲን ከ1.2 ሚሊየን በላይ ዓመት ኖራለች ብለውናል ፤ ይህ ደግሞ ለእኛ ክርስትያኖች ተቀባይነት የለውም፡፡ የሰው ዘር ተፈጠረ ብለን የምናምነውን ዓመት እና እነርሱ ደግሞ ድንቅነሽ ኖራለች የሚሉን እድሜ የሰማይና የምድር ያህል እርቀት አለው፡፡ ስለ ሉሲ አውርተው ቢጨርሱ መልካም ነበር፡፡ ምዕራብያውያኑ ይህን ለማለት የሚጠቀሙበት መሳሪያን የተነሳበትን ጥያቄ መመለስ አልቻሉም፤ ይህ እንዲህ ሆኖ ሳለ ፤መንግስት የሚሰራውን ስራ ለመንቀፍ ያመቻቸው ዘንድ ፤ ወቀሳ ለመሰንዘር ከድንቅነሽ ወደ ታቦተ ፅዮን ባልተዘረጋ ድልድይ ሀሳባቸውን መሰንዘር ተገቢ ነው ብለን አናምንም፡፡  

 በ1991 ዓ.ም 70ሺህ ኢትዮጵያውያን ከ19 ሺህ በላይ ደግሞ ኤርትራውያን እንዳለቁበት የሚገመተው የኢትዮ- ኤርትራ የእርስ በእርስ ጦርነት ጊዜ ከ50 በላይ የሚቆጠሩ እስራኤላውያን ጦርነቱ የሚያመጣውን ጥሩ አጋጠሚ ወይም  ክፍተት ተጠቅመው ታቦቷን ወደ ሀገራቸው ለመውሰድ በአክሱም እና በተለያዩ የምስራቁ ክፍል ለአርኪዎሎጂ ቁፋሮ ነው በሚል እሳቤ በቦታው ላይ ነበሩ ፤ ይህን እኛም እናውቃለን ፡፡  ምዕራባውያን አይደለም ጦርነት ተከፍቶ ጦርነት ሲታሰብ ወደ ሀገራቸው ለመሄድ አየር መንገዶችን በር እንደሚያጨናንቁ ነበር የምናቀው ፤ የእስራኤላያኑ የአክሱም ቆይታ ግን የሚገርም ነበር፡፡ ሀገር ባልተረጋጋችበት ወቅት ሰው ሀገር ምን ሊሰሩ ቆዩ?  ምንስ የተደበቀ አላማ አላቸው? ፤ ታቦተ ፅዮን በእግዚአብሔር መልካ ፍቃድ እንደመጣች ፤ በእግዚአብሔር ፍቃድ እንደምትሄድ ያስተዋሉ አይመስልመ ነበር ፡፡ 

ለማንኛውም ይህ ሁሉ ነገር አዲስ ለሚሰራው ሙዚየም ጋር አላፈላጊ ነገር እንዳይፈጸም የማቂያ ደውል አድርጌ ወስጄዋለሁ ፤ አቡነ ሳሙኤል የጥቅምት ሲኖዶስ ላይ እንዳሉት ስለ ሙዚየሙ ስራ አንስተን መወያየት መቻል ያለብን ይመስለኛል፡፡ ማነው ሙዚየሙን የሚሰራው ? 8.5 ሚሊየን ዩሮ ማን ሊለግሰን ቻለ? ከየት የተገኝ ብር ነው ሙዚየሙን የሚያሰራው ? ለምንስ ለጋሾች ለሙዚየሙ ማሰሪያ ሊረዱን ቻሉ? በቃልኪዳኗ ታቦት ዙሪያ የሲኖዶስ ሀሳብ ምንድነው ? የአባ ጳውሎስስ ሀሳባቸው ምንድነው ? በሚሉት ዙሪያ ህዝቡ መወያየት ቢችል መረጃ ቢኖረው ጥሩ ነው እላለሁኝ፡፡ ሁሉ ነገር እንዳለ ሆኖ ያለ እግዚአብሐር ፍቃድም የቃልኪዳኑ ታቦት ምንም እንደማትሆን ሙሉ እምነታችን ነው፡፡

ሌላም አለ ያድምጡ

‹‹አሁንም እግዚአብሔር ቤተክርስትያንን ይጠብቅ››