የአርሴማ ቅድስት ክርስትያኖችን የማፅናናት ዘመቻ

• ‹‹አጽናኑ፥ ሕዝቤን አጽናኑ ይላል አምላካችሁ።›› ትንቢተ ኢሳይያስ 40 ፤ 1

በቅርቡ በቃጠሎ የወደመችውን የቅድስት አርሴማን ቤተክርስትያን አካባቢው ላይ የሚገኙትን ክርስትያኖች ለማፅናናት እና እኛም የእናንተው ወገን ነን ፤ በሁሉም በኩል ከጎናችሁ ነን ፤ የደረሰው ነገር አሳዝኖን እናንተን ለማፅናናት ነው ወደዚህ ቦታ የመጣነው ለማለት ወደ ቦታ በሶስት መኪኖች ከሆሳዕና ከተማ ወደ 200 ሰው የሚጠጉ ክርስትያኖች ቦታ ድረስ ሄደው የሆነውን ነገር ለመመልከት ችለዋል ፡፡ ቦታ ላይ ሲደርሱ የሚሳለሙት ቤተክርስትያን እንደምታዩት ሆኖ ነበር የጠበቃቸው ፤ ሁሉም መሪር ሀዘን ነበር የተሰማቸው ፤ ላይችል አይሰጥምና እኛም ይህን ፈተና ችለንና ተቋቁመን ፤ በፊት ከነበረው የቤተክርስትያኗ እይታ የተሸለ ተደርጎ እንደሚሰራ ባለሙሉ ተስፈኞች ነን፡፡ በጊዜው አውደ ምህረት ባይኖርም ፤ ቦታው ላይ መዝሙር በመዘመር እግዚአብሔርን ነፍሳቸውንም ደስ አሰኝተዋታል ፡፡ በዕለቱ አንድ እናት የሠጡትን ቀለበት በሚያስገርም ሁኔታ 24,452.50(ሃያ አራት ሺ አራት መቶ አምሳ ሁለት ብር ከ50 ሳንቲም) በጋራ መዋጮ ተጫርቶ ገንዘቡን ለቤተክርስቲያኑ ማሰሪያ ማገባት ችለዋል፡፡ ያለውን ሁኔታ በካሜራ ከቀረው ብዙ ፎቶዎች 20 ፎቶዎችን ለናንተው አድርሰናል ፡፡ 

የሀገረሥብከቱ ሥራአስኪያጅ   መጋቢ ሀይማኖት አብርሐም   ስልክ  0911551516 ሲሆን ቤተክርስትያኗን የምትረዱበት መንገድ በዚህ ስልክ ደውለው ማነጋገር የምትችሉ መሆኑን ለመግለፅ እንወዳለን፡፡

ፎቶዎቹ ከሳምሶን ሀ/ሚካኤል የተገኙ ናቸው