አቶ በጋሻውን ለማውገዝ 4 ወር ተጠይቆበታል

“የቆቅ ለማዳ የለውም፤ እባብንም ቆዳው ለሰለሰ ብለህ ቀበቶ አርገህ አትታጠቀውም”

• በሙስና ካገኝው ‹‹መጋቢ አዲስ›› መዓረግ ወደሚመጥነው ‹‹አቶ›› ማዕረግ ይመለሳል ተብሎ ይጠበቃል፡፡

  በኢትዮጵያ ኦርቶዶክስ ተዋህዶ ቤተክርስትያን ስም የራሳቸውን ፍላጎት ለማሟት ባላቸው እቅድ መሰረት ቀጥተኛ የሆነውን ትምህርት ሃይማኖትና ነባር ስርዓቷን በማዛባት የኑፋቄ ትምህርት ሲያስተላልፉ የተገኙት መናፍቃን ጉዳይ በልዩ አጥኒ ኮሚቴ ሲጠና ከቆየ በኋላ አድራጎታቸው የኢትዮጵያ ኦርቶዶክስ ተዋህዶ ቤተክርስትያን የሚፈታተን ሆኖ በመገኝቱ ከቤተክርስትያናችን እንዲለዩ በቅዱስ ሲኖዶስ ምልዓተ ጉባኤ ተወግዘዋል ፤ በቤተክርስትያኑ ላይ ላሳዩት ክብረ ነክ ጉዳይም በህግ እንድጠየቁ ተወስኗ፡፡ ህብረተሰቡ ይህን በመረዳት ብርቱ ጥንቃቄ እንዲያደርግ እያሳሰብን አጥፊዎች በጥፋታቸው ተጸጽተው ወደ እናት ቤተክርስትያናቸው ከተመለሱ ግን ቤተክርሰትያኒቱ በሮቿን ከፍታ ትጠብቃቸዋለች( ቅዱስ ሲኖዶስ ተወያይቶ አቋም የያዘበት ነጥብ)

(አንድ አድርገን ግንቦት 15 ፤ 2004 ዓ.ም)፡- አቶ በጋሻው ደሳለኝ ከመሰሎቹ ጋር የሚወገድበት ጊዜ ሩቅ አለመሆኑን ውስጥ አዋቂዎች ተናግረዋል ፤ እነዚህን ሰዎች ለማሳገድና ለማስወገዝ ከ179 በላይ የድምጽ እና የቪዲዮ መረጃዎች የቀረቡ ሲሆን እነዚህን መረጃዎች ቁጭ ብሎ ለመመልከት ቢያንስ ከ300 ሰዓት በላይ ይወስዳል ተብሎ ይታሰባል ፤ በቀን 8 ሰዓት ሙሉ ስብከቶቻቸውን መመርመር ቢቻል ቢያንስ 40 ቀን ይወስዳል ተብሎ ይታሰባል ፤ ይህ ማለት በጽሁፍ እና በመጽሀፍ የቀረቡትን ምንፍቅናቸውን ሳይጨምር ነው ፤ ጓደኞቹ ላይ ከቀረበው መረጃ ይበልጥ የእሱን የሚያስጠይቀው መረጃ በልጦ እንደሚገኝ ለማወቅ ተችሏል ፤ የቤተክርስትያኒቷ አስተምህሮ ያልሆኑትን ሁሉ በሊቃውንት ቤተክርስትያን ለእያንዳንዱ መልስ እንደሚሰጥበት መግባባት ላይ ተደርሷል ፤

ከአሁን በኋላም ማንም ተነስቶ በቤተክርስትያኒቱ ስም መጽሀፍ የሚጽፍበት ፤ ከላይ የቅድስት ድንግል ማርያምን ስዕል  በማድረግ ውስጡን ኑፋቄ የሚዘሩበት መጽሀፍቶች አይኖሩም ፤ ማንም ተነስቶ የኑፋቄ ትምህርት የሚያስተምርበት ቀን ይጨልማል ፤ ከአሁን በኋላ ከአባቶች መልስ በተጨማሪ ቤተክርስትያኒቱን ለማፍረስ አላማ አድርገው የተነሱ ተሀድሶያውያን እና መናፍቃን ህግ ፊት የሚቀርቡበት አግባብም ተጠንቶ እንደሚቀርብ ተሰምቷል፤ አሁን የተወገዱት አቶ ጽጌ ስጦታው ፤ አቶ አሸናፊ መኰንን ፤ አቶ ደረጀ ገዙ ፤ አቶ በዛ ስፍርህ ፤ አቶ ግርማ በቀለ ፤ አቶ አግዛቸው ተፈራ እና  አቶ ሰሎሞን ጥበቡ  በሰሯቸው ስራዎች እና የቤተክርስያኒቱን ስም በአደባባይ ላይ ባጠፉት ላይ ፍርድ ቤት የሚቀርቡበት አግባብም እየታየ ነው ፤ እያንዳንዷ ትምህርት በጊዜው ተመዝና እና ተለክታ በአባቶች መልስ እንደሚቀርብበት ለማወቅ ተችሏል ፤ አቶ በጋሻው እና መሰሎቹ በየጊዜው በተለያዩ አውደ ምህረቶችና የቤተክርስትያን ያልሆኑ አዳራሾች ያስተማሯው ትምህርቶች ሚዛን ላይ አስቀምጦ ለመፍረድ እና ለማውገዝ የ4 ወር እድሜ ተጠይቆባቸዋል ፤ አቶ በጋሻውንና ትምህርቱንም አንድ ላይ ከስርዓተ ቤተክርስትያን ውጪ ናቸው የሚባሉበት ጊዜም ሩቅ እንደማይሆን ተጠቁሟል ፡፡

አሁን ነገሮች መስመር እየያዙ መሆኑን አመላካች ነገሮች እየታዩ ይገኛሉ ፤ ቤተክርስትያኒቱም ከመሰል መሰሪዎች የምትጸዳበት ጊዜ ሩቅ አይሆንም ዋናው ነገር ሰዎቹ ስለማይተኙ ነቃ ብሎ መጠበቅ ነው ፤ የተኛንበት ጊዜ ላይ ምን ያህል ቤተክርስትያኒቱ ላይ ያመጡትን ችግር በአይናችን ተመልክተናል ፤ ከአሁን በኋላ ግን እኛም አንተኛም እነርሱም እንደፈለጉ በአውደ ምህረት ላይ አይፈነጩም ፤ ዱካቸውን ዱካችን አድርገን ያሰቡትንና ለመስራት የተዘጋጁትን ነገሮች ይፋ እናወጣለን ፤ የቤተክርስትያኒቱ ትክክለኛ አስተምህሮዋንና   ፤ ስርዓቱን የጠበቀ ያሬዳዊ መዝሙሮችን ፤ ከአባቶቻችን የተቀበልነው ስርዓቷን እንዳይበረዝ ከማይመስሉን ሰዎች ተግተን እንጠብቃለን፡፡

ዓባይ ዳር በሶውን እያበሰበሰ፤ ጭብጦውን እየጨበጠ ያለ ባላገር፤ ድንገት ደራሹ ውሃ መጥቶ ጭብጦውን ይዞበት ሄደ፤ “አዬ! “ዐባይን ጭብጦዬን ከቀማኝ ወዲያ አላምነውም” አለ ይባላል ፤ የባለፈው ዓመት ተሀድሶያውያን የሰሩት ስራ ለኛ በቂ ትምህርታችን ነው፡፡ 

ቀጣይ የትኩረት አቅጣጫችን ………….. ‹‹ታኦሎጎስ›› ፤ በቤተክርስትያን ስም የሚነግዱበት እና ስፖንሰር በማፈላለግ በርካታ ብር የሚሰበስቡበትን ስራ  ከወራት በኋላ ግብአተ መሬት ይፈጸምለታል፡፡

ቸር ያሰማን