‹‹ትዝታውን አልመቱትም›› ዘማሪ ሙሴ

• በያዙት እንጨት ጭንቅላቴን ፈነከቱኝ ደበደቡኝ፤ 
• አሁን ያለው ብጥብጥ የሀይማኖት ልዩነት የለውም ፤
• እኔ ምፈልገው የደበደቡኝን ሳይሆን ያስደበደቡኝን ነው፡፡

ትዝታው ሳሙኤል ቅዳሜ 25/02/2004 በወጣ ሎሚ መፅሄት ጋር ባደረገው ቃለ መጠይቅ ከሳምንት በፊት በቅድስተ ማርያም ቤተክርስትያን ውስጥ ‹‹ቤተክርስትያን አትታደስም›› በሚሉ የሰንበት ትምህርት ቤት ተማሪዎች እንደተደበደበ የተናገረ ሲሆን በዚያው ሰዓት አብሮት የነበረ ጓደኛው ዘማሪ ሙሴ ግን የሰጠው ቃለ ምልልስ ትዝታው ከሰጠው ተቃራኒ ነበር፡፡ ‹‹በጊዜው በአጋጣሚ እዛው ነበርኩኝ ትንሽ ወጣቶች ትዝታውን እንደከበቡት ተመልክቻለሁ ነገር ግን ወጣቶቹ ከበቡት እንጂ ትዝታን አልመቱትም›› በማለት ነበር የተናገረው፡፡  ትዝታው ግን ‹‹ደበደቡኝ ከፍተኛ ጉዳት አድርሰውብኛል›› በማለት ያልሆነውን ሆንኩ ብሏል፡፡

ፈገግ ያሰኝኝ መልስ

ሎሚ፡- በቤተክርስትያን ውስጥ በመደብደብህ ምን ተሰማ?

ትዝታው ፡- የተሰማኝ ኩራት ነው፡፡ ሳልሰርቅ ፤ ሳላጠፋ በክርስቶስ ወንጌል ጉዳይ ሐዋርያት ስለወንጌል የከፈሉት ዋጋ የተሰማቸው ልባዊ ኩራ ደስታ ተሰምቶኛል፡፡ እግዚአብሔር ይቁጠርልኝ ብያለሁ፡፡

(እኔ የምለው ሐዋርያት እኮ ወንጌልን ሲሰብኩ ፅኑ መከራ ደረሰባቸው እንጂ ወንጀልን ሲሰብኩ እኮ አይደለም፡፡ ባለቤቱ 33 ዓመት ያስተማራቸውን እንጂ የራሳቸውን አመለካከት ህዝቡ ላይ ሲያሰርፁ አይደለም፤ አባቶቻን ምንፍቅና ተሸክመው አይደለም መከራ የደረሰባቸው፡፡ የምን ጠጋ ጠጋ ነው ፡፡ ዘሎ ራስን ከእነሱ ጋር ማወዳደር ፤ የእነሱን መከራ ከራስ ጋር ማስተካከል የሰውን ስነ ልቦና ለመስረቅ የሚደረግ ፕሮፖጋንዳ እንጂ ሌላ ሊሆን አይችልም፡፡)

ሎሚ፡-  አላማችሁ ምንድነው?

ትዝታው፡- የኛ አላማ አንድና አንድ ነው ፡፡ የክርስቶስን ወንጌል ለዓለም ሁሉ ማዳረስ የተዋህዶ ሐይማኖትን እውነት ያለገደብ ማወጅ ነው ፡፡ለዚህ ሁሉ አላማ አባቶቻችን የከፈሉትን ዋጋ ሁሉ እከፍላለን::

የዓይን ምስክር
ሎሚ ፡- ትዝታ ተመቷል ይላሉ እውነት ነው?

ዘማሪ ሙሴ ፡- እኔ በአጋጠሚ እዛው ነበርኩኝ ፤ ማርያም ቤ/ያን ውስጥ እንዴት ሰው ለፀብ ይጋበዛል ፡፡ የተለያዩ ወጣቶች ተሰብስበው መጥተው ትዝታውን ከበቡት እንጂ አልመቱትም፡፡

ሎሚ ፡- ከእነ በጋሻውና ትዝታው ጋር ጓደኛህ ነህ ልበል

ሙሴ፡- እንደማንኛውም ሰው እቀርባችዋለሁ ምክንያቱም ወንድሞቼ ናቸው፡፡

የኛ መልዕክት
‹‹የበግ ለምድ ለብሰው ከሚመጡባችሁ በውሥጣቸው ግን ነጣቂዎች ተኵላዎች ከሆኑ ከሐሰተኞች ነቢያት ተጠንቀቁ።
 ከፍሬያቸው ታውቋቸዋላችሁ። ከእሾህ ወይን ከኩርንችትስ በለስ ይለቀማልን?
እንዲሁ መልካም ዛፍ ሁሉ መልካም ፍሬ ያደርጋል፥ ክፉም ዛፍ ክፉ ፍሬ ያደርጋል።
መልካም ዛፍ ክፉ ፍሬ ማፍራት፥ ወይም ክፉ ዛፍ መልካም ፍሬ ማፍራት አይቻለውም።
መልካም ፍሬ የማያደርግ ዛፍ ሁሉ ይቆረጣል ወደ እሳትም ይጣላል።
ስለዚህም ከፍሬያቸው ታውቋቸዋላችሁ። ››የማቴዎስ ወንጌል 7  15-20 ተብሎ በወንጌል ተነግሮናል ሳይላኩ ተልከናል የሚሉ የበዙበት ዘመን ነውና እንጠንቀቅ፡፡