ኢቲቪ Vs የአሜሪካ ድምፅ ስለ ዋልድባ

(አንድ አድረገን መጋቢት 13 2004ዓ.ም)፡- ትላንትና ሸገር ሬዲዮ ላይ ዝቋላ ያለ አንድ ጋዜጠኛ እንደዘገበው ፤ እሳቱን ለማጥፋት ገዳሙ መከላከያ አየር ሀይልን እርዳታ እንደጠየቀ ፤ ከአየር ሀይሉ የተሰጠው መልስ ግን ግዳጅ ላይ ስለሆንን ይህን ማድረግ አንችልም ፤ ኬሚካሉ ከደቡብ አፍሪካ ተገዝቶ መምጣት አለበት እና ልንተባበራችሁ አንችልም የሚል መልስ ነበር ፤ ከዋናው ጣቢያ ደብረዘይት አየር ሀይል ስልክ ደውለው የአዛዡን ስልክ ተቀብለው መልሰው በሞባይላቸው ሲደውሉላቸው ፤ አሁን አዲስ አበባ ነው ያለሁት በጉዳዩ ላይ ምንም አስቴዬትም ሆነ እርዳታ መስጠት አልችልም የሚል መልስ ተሰቷቸዋል ፤ ይህ እየሆነ ያለው እሳቱ በተነሳ በአራተኛው ቀን ነው ፤ እርዳታ ለማግኝት ምን ማድረግ ነበር የነበረብን ? የሚል ጥያቄም አስነስቷል ፤ እኛ ከእነሱ እርዳታ ባናገኝም ወደፊት ይህን የመሰለውን ሁኔታ መከላከል ያስችለን ዘንድ ምን ማድረግ ይጠበቅብናል ? ፤ ይህን አጋጣሚ እንዴት አድርገን ትምህርት እንውሰድበት?
የስካር ሚኒስትሩ አቶ አባይ ፀሀዬ ትላት በቴሌቪዥናችን መስኮት ብቅ ብለው ፊታቸውን ኮስተር እንዳደረጉ የገዳሙን ሰዎች እና ምዕመኑን “ማን ደረሰባችሁ…!?” አይነት ንግግር ሲያደርጉ ሰማን። እንደእርሳቸው አባባል በስኳር ልማቱ የገዳሙ አካባቢ ወይም ይዞታ አይነካም፣ አይታረስም፣ አይቆፈርም! “ቅዱስ ቦታ መሆኑን እናውቃለን!” ብለዋል።

ነገር ግን እድሜ ለቴክኖሎጂ በኢንተርኔት መስኮት አንድ ስማቸውን መጥቀስ የሰጉ የዋልድባ ገዳም ሰው፤ “አረ ጎበዝ ድረሱልን፤ ፀልዩልን፤ ለአለም ችግራችንን አስረዱልን…!” ሲሉ ወትውተዋል። እኚሁ አባት ሲቀጥሉም፤ “አንነካቹም ይሉናል ነገር ግን ነክተውናል… አናርሰውም ይሉናል ነገር ግን አርሰውታል…! አረ የሰው ያለ አረ የህግ ያለ…?” ሲሉ ለግዜሩም ለሰዉም አቤት ብለዋል።(http://abetokichaw.wordpress.com)

• የመንበረ ፓትርያርክ ጠቅላይ ቤተ ክህነት ጽ/ቤት በዋልድባ ገዳማት ክልልና ዙሪያ የሚካሄደው ‹‹የወልቃይት ስኳር ልማት ፕሮጀክት›› ስለተፈጠረው ውዝግብ፣ በዝቋላ ደብረ ከዋክብት ጻድቁ አቡነ ገብረ መንፈስ ቅዱስ ገዳምና አካባቢ እንዲሁም በደብረ ወገግ ቅድስት ሥላሴ ወአቡነ ሳሙኤል ገዳም ይዞታ በሆኑ ደኖች ስለደረሰው ቃጠሎ አደጋ ዛሬ መግለጫ እንደሚሰጥ ይጠበቃል፡፡ (DejeSelam) 
• እግዚኦ በሚያሰኝ ጠቅላይ ቤተ ክህነቱ ችግሩን ለመፍታት የተላኩ ሰዎች ህልውናው በአደጋ ውስጥ ከሚገኝ ገዳም አበል ጠይቀውና ተቀብለው የመጡ አሳፋሪ ልኡካንም እንዳሉ ጥቆማው ደርሶናል፡፡(DejeSelam)
• በጉዳዩ ላይ አቦይ ስብሀት የሚነሱ መቃብሮች እንዳሉ ቦታም እንደሚቀየርላቸው አበክረው ገልጸዋል ፤ (አድምጠውታል…?)

በአንድ ወር ውስጥ

1. የአሰቦት ገዳም ደን ለሁለተኛ ጊዜ መቃጠሉ፡፡
2. በጎንደር ከተማ ሁለት የአብነት ት/ቤቶች ሙሉ በሙሉ መቃጠላቸው፡፡
3. የዝቋላ ገዳም ደን  ቃጠሎ ፡፡
4. የዝቋላ ገዳም ደን ቃጠሎ ለመታደግ ሲረባረቡ ከነበሩት ውስጥ ሦስት ተማሪዎች በፖሊስ ጥይት የቆሰሉ መሆናቸው፡፡ 
5. በአሰቦት ገዳም የአብነት ተማሪው በታጣቂዎች መገደሉ፡፡ 
6. የዋልድባ ገዳማት ህልውና እና ክብር ለአደጋ መጋለጡ እና የቅዱሳን አጽም እንዲፈልስ እየተደረገ መሆኑ፡፡