አራት ኪሎ ቤተመንግስት ይህ ሆኗል……

(አንድ አድርገን  ነሐሴ 10 2004 ዓ.ም)፡- ከወራት በፊት የሀገሪቱ ፕሬዝዳንት ግርማ ወልደ ጊዮርጊስ ሞቱ ተብሎ በርካታ ወሬዎች ሲናፈሱ ነበር ፤ ከቅርብ ጊዜ ወዲህ ደግሞ ጠቅላይ ሚኒስትሩ ሞቱ ተብሎ ሲወራ ነበር ፤ የአቶ መለስ ነገርን ማንም ባያውቅም መንግስትም ዝም ቢል አቡነ ጳውሎስ ግን ሆስፒታል በገቡ በ48 ሰዓት ውስጥ አርፈዋል ፤ እነዚህ ሁሉ ነገሮች ሲሆኑ ከ3 ቀናት በፊት በቤተመንግስት የተከሰተው ነገር በጣሙን አስገርሞናል ፤ ለስራ ከስድስት ኪሎ ዩኒቨርሲቲ ወደ ካሳንቺስ እያመራን ሳለ በጣም ትልቅ ዛፍ ቀደምት በኃይለስላሴ ጊዜ የተተከለ ዛፍ ቤተመንግስት ግቢ ውስጥ በንፋስ ሲወድቅ ተመለከትን ፤ በጣም የሚገርመው ነገር ይህ ዛፍ መውደቅ ያለበት ከቤተመንግስቱ አቀማመጥ ሁኔታ ወደ ውጭ በኩል መሆን ሲገባው የወደቀው ግን ወደ ውስጥ መሆኑ ነው ፤ በጊዜው ከፊት ለፊቱ ያለውን ቤት ሁለት ቦታ ከፍሎታል ፤ ቤተመንግስት አካባቢ አጥሩ ስር ያሉ ዛፎች ከላይ ሲሆኑ አስፋልቱ ደግሞ ከበታች ሆኖ ሳለ አወዳደቁ ወደ ውጭ መሆን ሲገባው ወደ ውስጥ መውደቁ አስገርሞናል ፤ በቤቱ ውስጥ ሰው ይኑር አይኑር አላወቅንም ፤ በቦታው ብዙ መቆምም ሆነ ፎቶ ማንሳት ስለማይቻል እንደ አመጣጣችን ለደቂቃዎች ብቻ ቆይተን መንገዳችንን ቀጥለናል ፤ በአሁኑ ሰዓት የወደቀው ዛፍ ይነሳ አይነሳ አላወቅንም ፤ በፊት ቢሆን ኖሮ በቤተመንግስት አካባቢው በርካታ ነዋሪዎች ስለሚኖሩ በቀላሉ ማረጋገጥ ይቻል ነበር ፤ አሁን ግን ከቤተመንግስ ፊት ለፊት ያለው በቆርቆሮ ስለታጠረ በቀላሉ ማረጋገጥ አይቻልም ፤ ይህን ነገር ለሰዎች የሆነውን እና የተደረገውን ነገር በጊዜው በማከፈል ነገሩን የሰሙ ሁሉ የራሳቸውን ፍቺ አስቀምጠዋል፡፡ አንዳንዱ በእድሜ ያረጀ ዛፍ ስለሆነ ነው የወደቀው በማለት ምክንያቱን ሲያስቀምጥ ፤ ሌሎች ደግሞ በሌላ እይታ ነገሩን ተመልክተውታል ፤ እርስዎስ ምን ይላሉ ?

እግዚአብሔር በአንድም ይሁን በሌላ ይናገራል ፤ አሁን በርትተን መጸለይ ሚገባን ወቅት ላይ እንገኛለን ፤ ሀገሪቱ ጥሩ የሚባል ሁኔታ ላይ አይደለች ፤ ዛሬ ደግሞ የአቡነ ጳውሎስ ሞት ከወደ ቤተክህነቱ ተሰምቷል ፤ ነገ ቀጣይ ማን እንደሚሆን አንድ አምላክ ብቻ ያውቃል ፤ ሀገር ሰላም ስትሆን ቤተክርስትያንም ሆነች ምዕመኑ ሰላም ይሆናል ሀገር ሰላም ካልሆነች ግን ለሁሉም መልካም አይደለም ፡፡

ቸር ሰንብቱ