በስልጤ ዞን የተቃጠለችው የቅድስት አርሴማ ቤተክርስትያን መንግስት የሰጠው መፍትሄ

 (አንድ አድርገን የካቲት 15 ፤2004 ዓ.ም)፡-  በስልጤ ዞን ከቅበት ከተማ 2 ኪሜ ርቀት ላይ የምትገኝው የቅድስት አርሴማ ቤተክርስትያን አርብ በ15 /03/04 በሙስሊም ፖሊስ አባላትና እነርሱን ከሚመስሏቸው ማህበረሰብ አካላት ጋር ሆነው ቤተክርስትያኗን ማቃጠላቸው ከ3 ወረር በፊት ዘግበን ነበር ፤ በጊዜው የቤተክርስትያኒቷ ጉልላት በፖሊስ አዛዡ ግቢ ውስጥ መገኘቱን በዓየይናችን ተመልክተነዋል ፤ በዞኑ ያሉ የኢትዮጵያ ኦርቶዶክስ ተዋህዶ ቤተክርስቲያ አማኞች የሚደርስባቸው ግፍ አስመክቶ ከስልጤ ዞን ቅበት ከተማ  በ18/03/2004 ዓ.ም  በደቡብ ክልል ርዕሠ መስተዳድር ፅ/ቤት  አቤቱታ አቅርበዋል፤  የደቡብ ክልል ርዕሠ መስተዳድር ቃል አቀባይ የሆኑት እስከ 10 ሠዓት ድረስ ሲሳለቁባቸው ውለው ያለ ምንም መፍትሄ መሸኝታቸውን ገልፀን ነበር::

በጊዜው  አቤቱታ አቅራቢዎቹ ተመልሠው ወደመጡበት አካባቢ ቢመለሱ የመኖር ህልውናቸውናቸው አስጊ በመሆኑ በመጀመሪያ የደቡብ ክልል ፍትህ እና ፀጥታ ቢሮ ከዞኑ ፖሊስ ለሚደርስባቸው ጫና ገለልተኛ በሆኑ ፖሊስ እንዲጠበቁ ለማድረግ ቀጥሎም ለፌደራል መንግስት ለማሳወቅ አዲስ አበባ እንደሚያመሩ በባዶ ሆዳቸው መሪር እንባ እያነቡ ሲናገሩ ላያቸው ያስለቅሱ ነበር፡፡

ይህ እንዲህ እያለ መንግስት ከፌደራል ጉዳዮች ቢሮ ጉዳዬ የሚመለከታቸው ሰዎችን በማደራጀት ቦታው ድረስ በመሄድ ሁኔታውን በመመልከት መፍትሄ ለመሻት አስፈላጊ መረጃዎችን በማሰባሰብ ወደ አዲስ አበባ ተመልሶ ነበር ፤ ጊዜ ቢወስድም ከመንግሰት የተወከሉ ሰዎች እና እና የክልሉ  ጸጥታ ጉዳይ አቶ አሰፋ አብዮ በስልጤ ዞን ስልጢ ከተማ በመገኘት በተቃጠለችው በአርሴማ ቤተክርስትያን  ዙሪያ የቤተክርሰትያን አባቶችን እና የሚመለከታቸው የእስልምና አባቶችን ፤ የወረዳው ባለስልጣናትን አንድ ላይ በመሆን በማናገር ከዚህ የሚከተለው ውሳኔ ተደርሳል

1.      ቦታው ለኢትዮጵያ ኦርቶዶክስ ተዋህዶ ቤተክርስትያን የጥምቀት ቦታ ሆኖ እንዲረጋገጥ

2.     ሙስሊሞች በቦታው ሰግደናል የሚሉት ተኣማኝነት ስለሌለው የኦርቶዶክስ ሆኖ እንዲጸና

3.  የወረዳው ባለስልጣናት የወል መሬት ነው ለምን ለቤተክረስቲያና ብቻ ይሆናል ? ያሉት በአዲሱ መንግስት ህግ በተፋሰስ ጥበቃ ምክንያት የወል መሬት ስለማይኖር የጥምቀት ቦታ ሆኖ በቋሚነት እንዲጸና

4.  በአቅራቢው ያለው የሙስሊም መቃብር ነው የሚባለው ቦታ ከበፊትም የጠየቀውም ሰውም ሆነ  የነካው ስለሌለ ለሙስሊሞች ሆኖ እንዲጸና አዛው ቦታው ላይ እንዲሆኑ ፤ ወደ ኦርቶዶክሶቹ ቦታ እንዳይመጡ

5.     ቦታው ክርክር ስለጸናበት ለቅድስት አርሴማ ቤተክርስትያን  ማሰሪያ ሌላ ቦታ እንዲሰጥ እንጂ ቦታው ላይ ቤተክርስቲያን መስራት መፍቀድ እንደማይቻል( በአሁኑ ሰዓት የሀይማኖት ቦታ ክርክር ያለባቸውን ቦታዎች መንግስት የሚፈታው ከሁለቱም በማንሳት ለሌላ አላማ በማዋል መሆኑን በማውሳት ነገር ግን የጥምቀት ቦታ መሆኑ እንደተጠበቀ ሆኑ ተለዋጩ የአርሴማ ቤተክርስትያን  መስሪያ ቦታ ለልማት የጠየቁትም ጭምር በዞኑም ሆነ በወረዳው አስተዳደር በአስቸካይ እንዲሰጥ)

6.     ለጠፋውና ለተቃጠለው በሽምግልና እንዲፈታ

7.      የእርቅ ፕሮግራም በስልጢ ከተማ አቶ አሰፋ ባሉበት በስልጢ ከተማ የካቲት 17 እንዲደረግ

8.     እርምጃ የሚወሰድባቸው በለስልጣናት በደረጃው እንደሚወሰድ ፤

በጊዜው የነበረው የዞኑ አስተዳዳሪ መንግስት ከመደበው ቦታ ተነስቶ ችግሩ ከተፈጠረበት ጊዜ በኋላ  አዲስ አበባ በሌላ የመንግስት የስልጣን ቦታ ላይ መመደቡን ለማወቅ ችለናል፡፡ ይህን የመሰለ ስራ ለሰሩ ከለላ በመስጠት እና በመተባበር ለእኩይ አላማቸው ከፍተኛ አስተዋፅኦ ያደረገን ሰው ስራ ተመርምሮ ለህግ መቅረብ ሲገባው ቦታ ለውጦ ሌላ ሀላፊነት መስጠት ምን ይሉታል ? ይህን የመሰለውን የመንግስት አካሄድ እንቃወማለን ፤ ወደፊት የት እንደተመደበ ፤ ቦታው ፤ የስራ ሀላፊነቱን በሰፊው እናቀርብሎታለን ፤ አሁን ይህ ነገር ፕሮሞሺን ነው ዲሞሺን ? ያጠያይቃል

በቦታው ላይ ደግማችሁ ቤተክርስያ መስራት አትችሉም ለሚለው ለጊዜው ምንም የምንለው ነገር ባይኖረንም በቪዲዮ የተቀነባበረ ቦታውን የሚመለከት የአንድ ሰዓት ፊልም እናቀርብሎታልን ፤ እርስዎም ላይ ላዩን ሳይሆን ስለቦታው በቂ መረጃ ይኖሮታል:: ነገሩን ከማርገብ እና ቦታው ላይ ሰላማዊ ሁኔታ ከመፍጠር አኳያ የተወሰደው እርምጃ ከሞላ ጎደል ደህና ነው የሚል እምነት አለን ፤ ማህበረሰቡም በእምነት መካከል ያለውን ተቃርኖ ከሚመለከታቸው ክፍሎች ጋር በመሆን እዚህ ደረጃ ላይ መድረስ ቀላል ነገር አይደለም ፤ እኛም እንደ እምነቱ ተከታዮች ለተቃጠለችው ቤተክርስትያና የቻልነውን አቅማችን የፈቀደውን ነገር በእውቀት ፤ በገንዘብ ልንረዳቸው ግድ ይለናል ፤ በሌሎች አካባቢዎች ያሉትን አብያተክርስትያናት ከዚህ አይነት አደጋም ቀድሞና ነቅቶም መጠበቅ ያለብን ይመስለናል ፤ እንደ እኛ እምነት በፊት ከነበረችው የቅድስት አርሴማ ቤተክርስትያን በተሻለ ዲዛይን እደምትሰራ እርግጠኞች ነን ፤ 

የሀገረሥብከቱ ሥራአስኪያጅ   መጋቢ ሀይማኖት አብርሐም   ስልክ  0911551516 ሲሆን አዲስ ለምትሰራው ቤተክርስትያን የምትረዱበት መንገድ በዚህ ስልክ ደውለው ማነጋገር የምትችሉ መሆኑን ለመግለፅ እንወዳለን፡፡

‹‹ በድካምና በጥረት ብዙ ጊዜም እንቅልፍ በማጣት፥ በራብና በጥም ብዙ ጊዜም በመጦም፥በብርድና በራቁትነት ነበርሁ።የቀረውንም ነገር ሳልቆጥር፥ ዕለት ዕለት የሚከብድብኝ የአብያተ ክርስቲያናት ሁሉ አሳብ ነው።›› 2ኛ ወደ ቆሮንቶስ ሰዎች 11፤27-28