ብፁዕ ወቅዱስ አቡነ ሺኖዳ 3ኛ አረፉ

በጣም አሳዛኝ ዜና!!

አንድ አድርገን መጋቢት 7 ፤ 2004ዓ.ም)፡- ለ4 ዐሠርት ዓመታት የግብጽ ኦርቶዶክስ ተዋሕዶ ቤተ ክርስቲያንና ሁላችንንም በትጋትና በጽንዕት ያገለገሉት ብጹዕ ወቅዱስ አቡነ ሺኖዳ ሣልሳዊ በ88 ዓመታቸው እንዳረፉ ቢቢሲ ዘገበ፡፡ ቅዱስነታቸው ከ5ኛው ክፍለ ዘመን በኋላ የቲዎሎጂ ሴሚናሪ ዲን የሆኑ የመጀመሪያው ፓትርያርክ ሲሆኑ በአገልግሎት ዘመናቸው ከ3 የአሜሪካን እንዲሁም ከ1 የጀርመን ዩኒቨርስቲ የክብር ዶክትሬት ተቀብለዋል፡፡ቅዱስነታቸው ሕይወታቸው የትምሕርምት፣ የጸሎትና የአገልግሎት እንደነበር የሕይወት ታሪካቸውን የሚዘግቡ ድርሳናት የሚገልጹ ሲሆን ባለፉት 20 ዓመታት የዓለምን ሕዝብ ያስተማሩባቸው ከ100 በላይ መጻሕፍትን ደራሲና የቤተ ክርስቲያኗ ኦፊሴላዊ መጽሔት ኤል-ኬራዛ ዋና አዘጋጅ ነበሩ፡፡

በግብፅ ርዕሰ ብሔር አንዋር ሳዳት ጊዜ አክራሪ ሙስሊሞች በክርስቲያኖች ላይ የሚያደርሱት ጥቃት መጨመርና መፋፋም ያሳሰባቸው ቅዱስነታቸው በመንግሥቱ ላይ ባነሱት ተቃውሞ፣ ለ40 ወራት ከመንጋዎቻቸው ተለይተው ወደ ቅዱስ ቢሶይ ገዳም ተግዘው የአባቶቻቸውን በረከት ተካፍለው እንደነበር የሚታወቅ ሲሆን በኋለኛው መሪ ሆስኒ ሙባረክ ዘመን ወደ መንበራቸው ተመለሰው እስከ ዛሬ ድረስ ጠቦቶችን ሲጠብቁ፣ ግልገሎችና በጎችን ሲያሰማሩ ቆይተው ዐርፈዋል፡፡ ለእርሳቸው ወደ ክርስቶስ መሄድ የሚናፍቁት ቢሆንም ለእኛ በሕይወተ ሥጋ ላለን ግን አጽናኝን አባት ማጣት ነው፡፡

ወዮ… ወዮ

ፊል 1፣21 “… ልሂድ ከክርስቶስም ጋር ልኖር እናፍቃለሁ፤ ከሁሉ ይልቅ እጅግ የሚሻል ነውና፡፡ ”

• • ወዮ… ወዮ የ21ኛው መ/ክ/ዘ ታላቁን አባት ብጹዕ ወቅዱስ አብነ ሺኖዳ 3ኛ አረፉ፡፡
  • ወዮ…ወዮ የተሰጣቸው መክሊት እጥፍ አድርገው ያተረፉ፤ በጎቻቸውን በፍቅር፣በትህትና እና በትጋት ያገለገሉ መልካሙ እረኛ ብጹዕ ወቅዱስ አብነ ሺኖዳ አረፉ፡፡
  • ወዮ….ወዮ የመናፍቃንን አንገት ያስደፉ፣ የዓለማችን ፈላስፋዎች በቃለ እግዚአብሔር አፍ ያስያዙ፣በትምህርታቸው የብዙ ሰዎች ነፍሳትን ያለመለሙ፣ቅዱሳን ሐዋርያትን የመሰሉ ታላቁ አባት ብጹዕ ወቅዱስ አብነ ሺኖዳ አረፉ፡፡
  • ወዮ…ወዮ ከመቶ በላይ ቅዱሳት መጻሕፍትን የጻፉ፣ በዓለም ዙሪያ በርካታአብያተክርስቲያናትን ያሳነጹ፣በመቶዎች የሚቆጠሩ ዲያቆናት፣ቀሳውስትንና ኤጲስ ቆጶሳትን የሾሙ ታላቁ አባት ብጹዕ ወቅዱስ አብነ ሺኖዳ አረፉ፡፡
  • ወዮ…ወዮ በካህናት ፣ በምእመናንና በኢአማንያን ዘንድ ከልብ የሚወደዱ፤ ንጹሁ፣ድንግል፣ካህን፣ባህታዊ፣ትህርምተኛ፣ወንጌላዊ፣ደራሲ፣ተርጓሚና ገጣሚ የሆኑት ታላቁ አባት ብጹዕ ወቅዱስ አብነ ሺኖዳ አረፉ፡፡
  • ትልቅ አባት በእውነት አጣን ፣ ሥራቸው ግን ለዘላለም ይኖራል ፣ በገነትም በሰላም ከቅዱሳኑ ጋር ያኑራቸው። የአገልግሎት ጊዚያቸውን በመልካም እረኝነት አሳልፈዋል:: መክሊታቸውንም አትርፈውበታል:: ሞት ለማንም አይቀርምና እርሳቸውም አርፈዋል:: እግዚአብሔር ነፍሳቸውን ይቀበላቸው ፤ ከቅዱሳን ጋርም ያኑርልን::
  • አቤቱ የቅዱሳን አምላክ ሆይ፣ በነቢዩ ኤልያስ የነበረውን ቅዱስ መንፈስ እጥፍ አድርገህ በነቢዩ ኤልሳ ላይ እንዳወረድክ፣ እንዲሁም በአባታችን በብጹዕ ወቅዱስ አብነ ሺኖዳ የነበረውን ቅዱስ መንፈስ በቅዱስ ማርቆስ መንበር ላይ ለሚተካ አባት እጥፍ አድርገህ ታወርድለት ዘንድ ፍቃድህ ይሁን፤ አሜን፡፡
  • ብጹዕ ወቅዱስ አብነ ሺኖዳ መልካሙን ገድል ተጋድለዋል፣ ሩጫዎቶን ጨርሰዋል፣ ሃይማኖቶን ጠብቀው አስጠብቀዋል፣ ወደ ፊት የጽድቅ አክሊል ተዘጋጅቶሎታል፣ ይህንም ጻድቅ ፈራጅ የሆነውን ጌታችን ኢየሱስ ክርስቶስ ያን ቀን ለእርሶ ያስረክባል፡፡
  • ብጹዕ ወቅዱስ አብነ ሺኖዳ ሆይ ለዚህ ታላቅ ክብር ያደረሶት ጌታችን መድሀኒታችን ኢየሱስ ክርስቶስ በሚገለጥበት ጊዜ፣ በዚያን ጊዜ ቅዱስነትዎ እኛም ከእርሶ ጋር በክብር ትንሳኤ እንድንገልጥ በጸሎቶ ያስቡን፡፡
  
  

በጣም አዝነናል በዚህ ጊዜ አቡነ ሺኖዳን በማጣታችን ፤ ይህ የኮፕቶች ሀዘን ብቻ አይደለም ፤ የእኛም የእህት አብያተክርስያናት ጭምር ነው ፤ በጣም በጣም አዝነናል ፤

አምላክ ነፍሳቸውን በገነት ያሳርፍልን 

ታላቁን አባታችንን ብፁእ ወቅዱስ አቡነ ሺኖዳንን ማጣት ምን ያህል ይከብዳል!!!....

አምላክ ሆይ እኛን ባሪያዎችህን እባክህ ያለ እረኛ አታስቀረን ፡፡




የአቡነ ሺኖዳ ሞት ለእኔ ‹‹ትልቅ ዋርካ የወደቀ ያህል ነው የተሰማኝ›› 
ለእምነታቸዉና ለሐይማኖታቸዉ የኖሩ ሰዉ መሆናቸዉን ያወቁ እዉነተኛ አባት ፤  አስተማሪ መካሪ ታላቅ የሀይማኖት ሰው ማጣት በጣም ከባድ ነው።የቅዱስነታቸው በረከት አይለየን፤ ይደርብን፤ ለግብጽ ቤተ ክርስቲያንም የብፁዕ ወቅዱስ አቡነ ሺኖዳን ዐይነት አባት ይተካላቸው፤ ይስጣቸው። አሜን 

ቀና ወደ ሰማይ!!!
ይቺን ቤተክርስቲያን አምላኬ ጠብቃት 

ፍሬን የሚያፈራ ተተኪ ተካላት
እኔ ጨርሻለው ልምጣ ወደ ቤቴ
ሰላምህ ይብዛልኝ ውሰዳት ህይወቴ

አራት ሰው ሞተ 
አራት ሰው ሞተ ደረሰ እና ጥሪ
ደራሲ፣ ሰባኪ፣ ጳጳስ እና መሪ
እንግዲህ መቃብር ደኅና አርገህ እፈስ
መጽሐፍ ተሸክሞ መጣልህ ጳጳስ
በግብጽ በካይሮ ጩኸት በረከተ
የዓለሙን አናውቅም አንድ የእግዜር ሰው ሞተ
ሞተዋል እንዳይሉ ጽፈው አገኟቸው
አልሞቱም እንዳይሉ ተኝተው አዩዋቸው
ምናሉ ቅብጦቹ ሰው ሲጠይቃቸው
ለወሬ አልተመቸም በችግር ላይ ናቸው 

(ዲ/ን ዳንኤል ክብረት)

በአሁኑ ሰዓት ቤተክርስትያናችን ላይ እየደረሰ ያለውን ነገር ሳስተውል ፤ የአቡነ ሺኖዳን ሞት ስመለከት ፤ ውስጤ በጣም ፈራ