“ድካም በፍሬ ሲታጀብ ለሚቀጥለዉ አገልግሎት ያተጋል”

 

በአቡነ እስጢፋኖስ እና በምዕመናኑ ብርቱ ድጋፍ ለጅማ ከተማ መጀመሪያ የሆነ  G + 5 ሁለገብ ህንጻ

በእርግጥ የእግዚአብሔር ቤት የሚሰራዉ በራሱ በባለቤቱ ፍቃድ ብቻ ነዉ። ያኔ ሀገረ ስብከቱ ይህንን ህንጻ ሲጀምር ቤተክርስቲያን መቃብር ቤት እንጂ ፎቅ መቼ ትሰራለች ያሉን የቅዱስ ላሊበላን ውቅር አብያተክርስቲያናት  ያላዩና ያልታደሉ አእምሮዎች በጊዜው ነበሩ ፤ በብጹዕ አባታችን አቡነ እስጢፋኖስ እና በምዕመናኑ ብርቱ ድጋፍ ለጅማ ከተማ መጀመሪያ የሆነው ባለ አምስት ፎቅ ግዙፍ (G + 5) ሁለገብ  ህንጻ ተጀምሮ እዚህ ደረጃ ላይ ደርሷ ፤ ይህ ስራ ሲጀመር እዚህ ደረጃ ይደርሳል ብሎ የገመተ ማንም የለም ፤ እንደ ሌሎች ተቋማት ህንጻዎች የህንፃ ዲዛይኑ ብቻ ቆሞ ይቀራል የሚሉ ብዙዎች ነበሩ  ፤ የሚሰራበትም ብር ብዙ ከመሆኑ አኳያ በጣም ባጭር ጊዜ አሁን ያለውን የደረሰበት ደረጃ ይደርሳል ማለትም አስቸጋሪ ነበር ፡፡

ምዕመናን መሪ አባት ካገኙ ገና ብዙ ስራ ይሰራሉ ፤ ከዓመታት በፊት በቦታው የተደረገው ነገር የደረሰው መከራ ሀገር ለቆ የሚያበር ነበር ፤ በአሁኑ ሰዓት በጅማ እየተሰራ ያለውን ሃይማኖታዊ ስራዎች ለተመለከተ ክርስትያን እንደ ሚስማር ሲመቱት ለመጠንከሩ ምስክር ይሆናል ፤ የጅማ ሀገረ ስብከት በልማት እንቅስቃሴዉ ለሌሎች ሀገረ ስብከት ብቻ ሳይሆን ለከተማዉም ተምሳሌነቱ የላቀ ስፍራ የሚሰጠዉ መሆኑን አሳይቷል ወደፊትም ያሳያል ። አሁንም የተሰራው እና ከዚህ በፊት በተከናወኑ  ተግባራት ወደ ኋላ ሳንል የተሻለ ልንሰራ ፤ በኖርንበት ዘመን ለመጪው ትውልድ አሻችንን ልንጥልለት ይገባናል ፤ በዚህ መደሰት ብቻ ሳይሆን ሌሎችን የቀሩንን አገልግሎት ልናስብ እና ሐዋርያዉ ቅዱስ ጳዉሎስ እንደተናገረዉ የኃላችንን ትተን የፊታችንን ልንይዝ ይገባናል።